Spotlightசினிமா

சிவகார்த்திகேயனின் நண்பர் தயாரிப்பில் வைபவ்!!

வால்மேட் என்டர்டெய்ன்மென்ட் சார்பில் தினேஷ் கண்ணன் மற்றும் ஸ்ரீதர் தயாரிக்க, சாச்சி என்ற அறிமுக இயக்குனர் இயக்கும் படத்தில் நடிக்கிறார் வைபவ். தயாரிப்பாளர் ஸ்ரீதர், சிவகார்த்திகேயனின் நெருங்கிய நண்பர்.

திரைக்கதை, வசனகர்த்தா விஜியிடம் 6 ஆண்டுகள் பணிபுரிந்து தற்போது இயக்குனர் அவதாரம் எடுத்திருக்கிறார் சாச்சி.

படத்தினை பற்றி இயக்குனர் கூறும்போது, “எனது கதையில் நாயகனுக்கு தேவைப்பட்ட அப்பாவியான முகம் வைபவிடம் இருந்தது. அவர் எவ்வளவு பொருத்தமானவர் என்பது, அவர் நடித்த எல்லா படங்களையும் பார்த்தாலே இது தெரியும். வால்மேட் எண்டர்டெயின்மெண்ட் சார்பில் தினேஷ் கண்ணன் மற்றும் ஸ்ரீதர் தயாரிக்கும் இந்த பெயரிடப்படாத ரொமாண்டிக் காமெடி திரைப்படம் ஒன்றும் வித்தியாசமான திரைப்படம் அல்ல.

என் படத்திலும் ஒரு நாயகன், ஒரு நாயகி மற்றும் ஒரு வில்லன். நாயகம் ஒரு நடுத்தர வர்க்கவர்க்கத்தை சார்ந்தவர், எதிர்பாராத சம்பவத்திற்கு பிறகு அவர் வாழ்க்கை எப்படி மாறுகிறது என்பது தான் கதை. இதை கேட்கும் போது அரைச்ச மாவையே அரைக்கின்ற உணர்வு எழலாம். ஆனால், அதை படமாக்கிய விதம் ரசிகர்களுக்கு புதுமையான அனுபவத்தை கொடுக்கும். இயக்குனர் அவதாரம் எடுக்க, சரியான தயாரிப்பு நிறுவனத்துக்காக இரண்டு வருடங்கள் காத்திருந்தேன், காத்திருப்புக்கான பலன் இப்போது கிடைத்திருக்கிறது” என்றார்.

Facebook Comments

Related Articles

Back to top button