இயக்குநர் வெங்கி அட்லூரி இயக்கத்தில் சூர்யா, மமிதா பைஜூ நடிப்பில் உருவாகியுள்ள ‘விஸ்வநாத் & சன்ஸ்’ திரைப்படம் வரும் வெள்ளிக்கிழமை திரையரங்குகளில் வெளியாக உள்ள நிலையில், படத்தின் மீதான எதிர்பார்ப்பு நாளுக்கு நாள் அதிகரித்து வருகிறது.
இப்படத்திற்கு ஜி.வி. பிரகாஷ் குமார் இசையமைத்துள்ளார். படத்தின் டிரெய்லர் மற்றும் பாடல்கள் ஏற்கனவே வெளியாகி ரசிகர்கள் மத்தியில் நல்ல வரவேற்பைப் பெற்றுள்ளன.
2 லட்சம் ரீல்ஸ்களை கடந்த ‘பட்டாம் பூச்சி’!
இந்நிலையில், இப்படத்தில் இடம்பெற்றுள்ள ‘பட்டாம் பூச்சி’ பாடல் சமூக வலைதளங்களில் தொடர்ந்து டிரெண்டிங்கில் இருந்து வருகிறது.
குறிப்பாக Instagram தளத்தில் இந்தப் பாடலைப் பயன்படுத்தி ரசிகர்கள் உருவாக்கிய ரீல்ஸ்களின் எண்ணிக்கை தற்போது 2 லட்சத்தை கடந்துள்ளதாக படக்குழு உற்சாகத்துடன் தெரிவித்துள்ளது.
பாடலுக்கு கிடைத்துள்ள இந்த வரவேற்பு, படம் வெளியாகும் முன்பே ரசிகர்களிடம் ‘விஸ்வநாத் & சன்ஸ்’ ஏற்படுத்தியுள்ள எதிர்பார்ப்பை வெளிப்படுத்துவதாக அமைந்துள்ளது.
சூர்யாவின் அடுத்த படத்திற்கு அதிகரிக்கும் எதிர்பார்ப்பு
சூர்யா நடிப்பில் சமீபத்தில் வெளியான ‘கருப்பு’ திரைப்படம் சுமார் ரூ.400 கோடி வசூலை குவித்ததாக படக்குழு தரப்பில் தெரிவிக்கப்பட்டுள்ள நிலையில், அவரது அடுத்த படமான ‘விஸ்வநாத் & சன்ஸ்’ மீதும் ரசிகர்களிடையே மிகுந்த எதிர்பார்ப்பு நிலவி வருகிறது.
டிரெய்லர், பாடல்கள் என படத்தின் புரமோஷன் பணிகள் ரசிகர்களிடம் நல்ல வரவேற்பைப் பெற்று வரும் நிலையில், குறிப்பாக ‘பட்டாம் பூச்சி’ பாடல் 2 லட்சம் ரீல்ஸ்களை கடந்துள்ளது படக்குழுவினருக்கு கூடுதல் உற்சாகத்தை அளித்துள்ளது.
வரும் வெள்ளிக்கிழமை திரையரங்குகளில் வெளியாக இருக்கும் ‘விஸ்வநாத் & சன்ஸ்’, ரசிகர்களின் எதிர்பார்ப்பை பூர்த்தி செய்யுமா என்பதை பொறுத்திருந்து பார்க்கலாம்.
