முத்து இயக்கத்தில் சாத்விக் வர்மா, நயன் கரிஷ்மா, சுரேகா வாணி, ஸ்ரீமன், மனோபாலா, ஜேக் ராபின்சன், அம்ரிதா, மஞ்சிரா, ராஜ கோபால் உள்ளிட்ட நடிகர்களின் நடிப்பில் உருவாகி இன்று வெளியாகியிருக்கும் திரைப்படம் தான் சிக்லெட்ஸ்.
ஒளிப்பதிவை கொளஞ்சிகுமார் கவனித்திருக்கிறார். பால முரளி பாலு இசையமைத்திருக்கிறார்.
கதைக்குள் சென்று விடலாம்…
நயன் கரிஷ்மா, அம்ரிதா, மஞ்சிரா மூவரும் சிறு வயதில் இருந்தே நண்பர்கள். இவர்களின் பெற்றோர்களான சுரேகா வாணி, ஸ்ரீமன் உள்ளிட்டவர்களும் நண்பர்களாக இருக்கிறார்கள்.
பள்ளி படிப்பை முடித்த மூன்று நண்பர்களும், கல்லூரிக்குச் செல்லவிருக்கின்றனர். இந்த சூழலில் தனக்கான மகிழ்ச்சியை வெளிப்படுத்திக் கொள்ள, உல்லாசமாக இருக்க நினைக்கின்றனர்.
தங்களது மூன்று ஆண் நண்பர்களுடன் சேர்ந்து பார்ட்டிக்கு செல்ல திட்டமிடுகின்றனர் மூவரும்.
தங்களது பெற்றோர்களிடம் பொய் சொல்லிவிட்டு மூவரும் ஆண் நண்பர்களுடன் உல்லாசமாக இருக்க பயணப்படுகின்றனர்.
உண்மை அறிந்து அவர்களை காப்பாற்ற பின் தொடர்கின்றனர் பெற்றோர்கள்.
இறுதியில் என்ன நடந்தது என்பதே படத்தின் மீதிக் கதை.
படத்தின் ஹீரோ என்றால் அது கதை தான். மிக அழகான கதையை அழகாக நகர்த்திச் சென்று அதில் வென்று காட்டியிருக்கிறார் இயக்குனர் முத்து.
நடித்த நடிகர்கள் அனைவரும் தங்களுக்குக் கொடுக்கப்பட்டதை மிக அழகாக செய்து முடித்திருக்கின்றனர்.
நாயகன் சாத்விக் வர்மா, ஆரம்பத்தில் மிக நீளமான வசனத்தை பேசி தான் ஒரு நடிகன் என்பதை முத்திரை பதித்துவிட்டார்.
நாயகிகள் மூவரும் அழகாக வந்து, தங்களது நடிப்பை அளவோடு கொடுத்துச் சென்றுவிட்டனர்.
ஸ்ரீமனின் நடிப்பு ஆச்சர்யப்பட வைத்தது.
ஒளிப்பதிவும் பின்னணி இசையும் படத்திற்கு பலமாக வந்து நின்றது.
முதல் பாதி கிளுகிளுப்பாக சென்றாலும், இரண்டாம் பாதி கருத்துடன் பயணிப்பதால் படம் நன்றாகவே கவனிக்க வைக்கிறது. இக்கால இளைஞர்களுக்கு ஏற்ற படமாக இருப்பது கூடுதல் பலம்.
இயக்குனருக்கு ஆகப்பெரும் வாழ்த்துகள்.
மொத்தத்தில்,
சிக்லெட்ஸ் – மெசேஜ்..
