ஜி வி பிரகாஷ்குமார் நடிப்பில் ராஜிவ் மேனன் இயக்கத்தில் உருவாகி வருகிறது ‘சர்வம் தாளமயம்’. இப்படத்தில் அபர்ணா பாலமுரளி, நெடுமுடி வேணு, வினீத், திவ்யதர்ஷினி உள்ளிட்ட நட்சத்திரங்கள் நடித்துள்ளனர். இப்படத்திற்கு ஏ ஆர் ரகுமான் இசையமைத்திருக்கிறார்.
முன்னதாக படத்தைப் பார்த்த இயக்குநர் வசந்தபாலன் ஜி.வி.பிரகாஷுக்கு தேசிய விருது காத்திருக்கிறது என்றும் தெரிவித்திருந்தார்.
படத்தின் அனைத்து பணிகளையும் முடித்திருக்கும் படக்குழு, தற்போது ரிலீஸ் தேதியை அதிகாரப்பூர்வமாக அறிவித்திருக்கிறது. அதன்படி டிசம்பர் 28-ம் தேதி படம் திரைக்கு வரும் என்று படத்தின் இயக்குநர் ராஜீவ் மேனன் தனது ட்விட்டர் பக்கத்தில் பதிவிட்டுள்ளார்.
இயக்குநர் ராஜீவ் மேனன், இதற்கு முன்னதாக மின்சார கனவு, கண்டுகொண்டேன் கண்டுகொண்டேன் உள்ளிட்ட வெற்றிப் படங்களை இயக்கியிருப்பதும் குறிப்பிடத்தக்கது.