இந்தியாவின் முன்னணி ஓடிடி தளங்களில் ஒன்றான ZEE5, குடும்பத்துடன் அமர்ந்து ரசிக்கக்கூடிய மற்றுமொரு தரமான பொழுதுபோக்கு திரைப்படமாக ‘பரிமளா & கோ’ படத்தை ஜூலை 10, 2026 முதல் உலகம் முழுவதும் பார்வையாளர்களுக்காக பிரத்யேகமாக வெளியிடுகிறது.
இயக்குநர் பாண்டிராஜ் எழுதி இயக்கியுள்ள இந்த திரைப்படத்தை லைகா புரொடக்ஷன்ஸ் நிறுவனம், பசங்கா புரொடக்ஷன்ஸ் நிறுவனத்துடன் இணைந்து தயாரித்துள்ளது. குடும்ப உறவுகள், நகைச்சுவை, சஸ்பென்ஸ் மற்றும் மர்மம் ஆகிய அனைத்தையும் ஒருங்கே இணைத்து உருவாக்கப்பட்டுள்ள இப்படம், அனைத்து வயதினரையும் கவரும் வகையில் வடிவமைக்கப்பட்டுள்ளது.
படத்தில் ஜெயராம், ஊர்வசி, மிஷ்கின், யோகி பாபு, சாண்டி, சந்தோஷ் சோபன், சஞ்சனா கிருஷ்ணமூர்த்தி, அனந்திகா சனில்குமார் உள்ளிட்ட பலர் முக்கிய கதாபாத்திரங்களில் நடித்துள்ளனர்.
குடும்பம்… நகைச்சுவை… மர்மம்!
ஒரு சாதாரண குடும்பம் எதிர்பாராத விதமாக ஒரு கொலை மர்ம விசாரணையில் சிக்கிக் கொள்வதை மையமாகக் கொண்டு கதை நகர்கிறது. மர்மம் அதிகரிக்கும் ஒவ்வொரு தருணத்திலும், குடும்ப உறுப்பினர்கள் ஒவ்வொருவரும் எதிர்பாராத சம்பவங்களிலும், கலகலப்பான தவறான புரிதல்களிலும் சிக்கிக் கொள்கிறார்கள்.
பாண்டிராஜின் வழக்கமான குடும்ப பாசம், நகைச்சுவை மற்றும் உணர்ச்சிகளுடன், இந்த முறை சஸ்பென்ஸ் கலந்த திரைக்கதையும் இணைந்திருப்பது படத்தின் முக்கிய சிறப்பாகும்.
5 மொழிகளில் உலகம் முழுவதும் வெளியீடு
‘பரிமளா & கோ’ திரைப்படம் தமிழ், மலையாளம், தெலுங்கு, கன்னடம் மற்றும் இந்தி ஆகிய ஐந்து மொழிகளில் ஜூலை 10, 2026 முதல் ZEE5 ஓடிடி தளத்தில் பிரத்யேகமாக ஸ்ட்ரீமாகவுள்ளது.
திரைப்பட விவரங்கள்
திரைப்படம்: பரிமளா & கோ
OTT வெளியீடு: ஜூலை 10, 2026
ஸ்ட்ரீமிங் தளம்: ZEE5
மொழிகள்: தமிழ், மலையாளம், தெலுங்கு, கன்னடம், இந்தி
நடிகர்கள்:
- ஜெயராம்
- ஊர்வசி
- மிஷ்கின்
- யோகி பாபு
- சாண்டி
- சந்தோஷ் சோபன்
- சஞ்சனா கிருஷ்ணமூர்த்தி
- அனந்திகா சனில்குமார்
- மற்றும் பலர்
எழுத்து & இயக்கம்: பாண்டிராஜ்
தயாரிப்பு: சுபாஸ்கரன் (லைகா புரொடக்ஷன்ஸ்), பாண்டிராஜ் (பசங்கா புரொடக்ஷன்ஸ்)
ஒளிப்பதிவு: ஜார்ஜ் சி. வில்லியம்ஸ் ISC
இசை: Foxn
படத்தொகுப்பு: பிரதீப் இ. ராகவ்
கலை இயக்கம்: டி. ராமலிங்கம்
