இலங்கையின் தலைநகர் கொழும்பில், லைகா குழுமத்தின் துணைத் தலைவர் பிரேம் சிவசாமி அவர்களின் குடும்பத் திருமண விழா மிகுந்த கோலாகலத்துடனும், உற்சாகத்துடனும் நடைபெற்றது. திரையுலக மற்றும் தொழில்துறை பிரபலங்கள் பலர் கலந்து கொண்ட இந்த விழா, நட்சத்திரங்களின் வருகையால் மேலும் சிறப்பாக அமைந்தது.
திருமண விழாவில், லைகா குழுமத்தின் தலைவர் சுபாஸ்கரன், லைகா புரொடக்ஷன்ஸ் தலைமை நிர்வாக அதிகாரியும், தமிழ் திரைப்பட தயாரிப்பாளர் சங்கத்தின் தலைவருமான ஜி.கே.எம். தமிழ் குமரன் ஆகியோர் கலந்து கொண்டு மணமக்களை நேரில் சந்தித்து மனமார்ந்த வாழ்த்துகளைத் தெரிவித்தனர்.
அதேபோல், இயக்குநர் ஜேசன் சஞ்சய், இயக்குநர் மணிரத்னத்தின் மகன் நந்தன் மணிரத்னம், இசையமைப்பாளர் சந்தோஷ் நாராயணன் தனது குடும்பத்தினருடன் கலந்து கொண்டு மணமக்களை வாழ்த்தியதுடன், குடும்பத்தினருடன் மகிழ்ச்சியான தருணங்களையும் பகிர்ந்து கொண்டனர்.
உறவினர்கள், நண்பர்கள், திரைத்துறை மற்றும் தொழில்துறை முக்கிய பிரமுகர்கள் என ஏராளமானோர் கலந்து கொண்ட இந்த திருமண விழா, அன்பும் மகிழ்ச்சியும் நிறைந்த இனிய சந்திப்பாக அமைந்தது. விழாவில் எடுக்கப்பட்ட புகைப்படங்களும், வீடியோக்களும் சமூக வலைதளங்களில் கவனம் பெற்று வருகின்றன.
பிரம்மாண்டமான ஏற்பாடுகள், பாரம்பரிய முறைப்படி நடைபெற்ற திருமண நிகழ்வுகள் மற்றும் திரையுலக நட்சத்திரங்களின் பங்கேற்பு ஆகியவை இந்த குடும்பத் திருமணத்தை நினைவில் நிற்கும் நிகழ்வாக மாற்றியுள்ளன. மணமக்களின் புதிய வாழ்க்கை சிறக்க அனைவரும் தங்களது வாழ்த்துகளையும் ஆசீர்வாதங்களையும் தெரிவித்தனர்.
