Dawn Pictures தயாரிப்பில், ஆகாஷ் பாஸ்கரன் இயக்கத்தில், அதர்வா முரளி நடித்த “இதயம் முரளி” திரைப்படம் ஜூலை 10 அன்று வெளியாகி ரசிகர்கள் மற்றும் விமர்சகர்களின் பாராட்டைப் பெற்று வெற்றிகரமாக திரையரங்குகளில் ஓடிக்கொண்டிருக்கிறது.
படத்தின் வெற்றியைத் தொடர்ந்து நடைபெற்ற நன்றி தெரிவிக்கும் சந்திப்பில், படக்குழுவினர் ஊடகங்களுக்கும் ரசிகர்களுக்கும் மனமார்ந்த நன்றி தெரிவித்தனர்.
இசையமைப்பாளர் எஸ். தமன், இந்தப் படம் தனது திரைப்பயணத்தில் மிகவும் சிறப்பான அனுபவம் என்றும், படத்தின் பாடல்கள் மற்றும் பின்னணி இசைக்கு கிடைத்த வரவேற்பு மிகுந்த மகிழ்ச்சி அளிப்பதாகவும் கூறினார்.
நடிகர் அதர்வா முரளி, இந்தப் படக்குழு ஒரு குடும்பமாக மாறியதாகவும், ரசிகர்கள் அளித்த அன்பே படத்தின் வெற்றிக்குக் காரணம் என்றும் தெரிவித்தார்.
இயக்குநர் ஆகாஷ் பாஸ்கரன், நல்ல விமர்சனங்களும் ரசிகர்களின் ஆதரவும் படத்தை வெற்றிப்பாதைக்கு கொண்டு சென்றதாகக் கூறி, ஊடகங்கள் மற்றும் ரசிகர்களுக்கு நன்றி தெரிவித்தார்.
நடிகைகள் கயாது லோஹர் மற்றும் ப்ரீத்தி முகுந்தன் உள்ளிட்டோர், “இதயம் முரளி” தங்கள் திரைப்பயணத்தில் மறக்க முடியாத திரைப்படமாக அமைந்துள்ளதாகவும், படத்துக்கு கிடைத்த அன்பிற்கு ரசிகர்களுக்கு நன்றி தெரிவித்தனர்.
உலகம் முழுவதும் திரையரங்குகளில் வெற்றிகரமாக ஓடிக்கொண்டிருக்கும் “இதயம் முரளி” திரைப்படம் தொடர்ந்து ரசிகர்களின் வரவேற்பைப் பெற்று வருகிறது.
