தமிழ் திரையுலகில் எதிர்பார்ப்பை ஏற்படுத்தியுள்ள ‘சேயோன்’ திரைப்படத்தில் இயக்குநர், நடிகர் மற்றும் அரசியல் இயக்கத்தின் தலைவர் என பன்முகம் கொண்ட செந்தமிழன் சீமான் இணைந்துள்ளார். இப்படத்தில் அவர் முக்கியமான கதாபாத்திரத்தில் நடிக்கிறார்.
தற்போது மதுரையைச் சுற்றியுள்ள பகுதிகளில் ‘சேயோன்’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது. இந்த படப்பிடிப்பில் சீமான் கலந்து கொண்டு தனது காட்சிகளில் நடித்து வருகிறார்.
சீமான் ‘சேயோன்’ படத்தில் இணைந்திருப்பது தொடர்பான தகவல் வெளியாகியுள்ள நிலையில், இப்படத்தின் மீதான ரசிகர்களின் எதிர்பார்ப்பு மேலும் அதிகரித்துள்ளது. ஏற்கனவே படத்தின் கதை, நடிகர்கள் மற்றும் தொழில்நுட்பக் குழு குறித்த அறிவிப்புகள் கவனம் பெற்ற நிலையில், சீமானின் வருகை படத்திற்கு கூடுதல் கவனத்தை ஏற்படுத்தியுள்ளது.
இப்படத்தில் சிவகார்த்திகேயன் கதாநாயகனாக நடிக்கிறார். ‘சேயோன்’ திரைப்படத்தை சிவகுமார் முருகேசன் இயக்குகிறார். சந்தோஷ் நாராயணன் இசையமைக்கிறார். அன்பறிவ் மாஸ்டர்கள் சண்டைப் பயிற்சியை மேற்கொள்கின்றனர்.
ராஜ்கமல் ஃபிலிம்ஸ் இன்டர்நேஷனல் மற்றும் டர்மெரிக் மீடியா நிறுவனங்கள் இணைந்து இப்படத்தை தயாரித்து வருகின்றன. கமல்ஹாசன் மற்றும் ஆர். மகேந்திரன் ஆகியோர் இப்படத்தை தயாரிக்கின்றனர்.
தொடர்ந்து வெளியாகி வரும் புதிய அறிவிப்புகளால் ‘சேயோன்’ திரைப்படம் குறித்த ஆர்வம் ரசிகர்கள் மற்றும் திரையுலகினர் மத்தியில் அதிகரித்து வருகிறது. சிவகார்த்திகேயன் – சிவகுமார் முருகேசன் – சந்தோஷ் நாராயணன் கூட்டணியுடன் தற்போது சீமானும் இணைந்துள்ளதால், படத்தின் மீதான எதிர்பார்ப்பு மேலும் அதிகரித்துள்ளது.
